Ættarmót
19.07 2007 01:04:31
Nú er skammarlega langt liðið frá því að ég henti hingað inn línum, en ég á mér afsökun. Ég var nefnilega netlaus í nokkra daga, sökum þess að ég skrap til Vestfjarða á ættarmót. Anna og foreldrarnir veittu mér félagsskap, og við gistum í því sem er líklega minnsta húsið í Hnífsdal. Ættarmótið sjálft fór fram á Súðavík, og var mjög skemmtilegt. Við gáfum okkur síðan tíma til að gera sitthvað fleira; til dæmis að skreppa með báti út í Vigur, þar sem við sáum meðal annars munaðarlausa æðarunga sem flatmöguðu í grasflöt eins og kettir, og alla vega tvo kríuunga.
Á leiðinni heim sprakk síðan dekk á druslunni, þannig að við Anna þurftum að leggja krók á leið okkur til að fá nýtt dekk á Patreksfirði, sem eru hennar gömlu æskustöðvar til nokkurra ára. Það var fínt að sjá bæinn; ég held að örlögin hafi ákveðið að við þyrftum að koma þar við.
Hin fínasta ferð allt í allt – það held ég nú.
19. júlí 2007 kl. 11:25
Ég hef komið í Vigur! Mjög gaman að skoða, sæt eyja. Líka gaman á ættarmótum, hef ekki farið á svoleiðis lengi.
20. júlí 2007 kl. 13:36
Á eftir að koma í Vigur 🙁 en hef farið á lundaveiðar í Borgarey á Ísafjarðardjúpi. Það var stórskemmtilegt og á ég margar flottar myndir þaðan.
21. júlí 2007 kl. 22:01
Gaman að sjá þig enn lífs. Kveðja frá Ameríkulandi.
Rattati
23. júlí 2007 kl. 19:31
Druslunni? DRUSLUNNI?!? Ertu að tala um bílinn ‘minn’ eða hvað? :-þ
Gott að það var gaman.
Ég fór á vestfirði fyrir 3 árum og leiddist það mjög. Enda rigning og rok allann tímann.
24. júlí 2007 kl. 09:27
Já … það er víst ‘þinn’ bíll … en afsökunin er að dekk og drusla stuðlar saman, og svo er líka pirrandi þegar það springur jafn oft dekk á bíl og gerst hefur með þennan. 😛 Hann er samt æði að öðru leyti.