… er David Gilmour væminn og óspennandi sem sólólistamaður. Þá vil ég nú frekar biðja um hljómsveitina hans gömlu og góðu.

Nú er allt of langt um liðið síðan ég skrifaði eitthvað hér; best að gera eitthvað í því.

Mig langaði að ræða slagorð Framsóknarflokksins fyrir þessar kosningar. Það hljóðar svo:

Árangur áfram – ekkert stopp!

Þetta er fínt slagorð og kemur skilaboðum flokksins á framfæri á hnitmiðan hátt. Þó finnst mér að flokkurinn hafi hér misst af góðu tækifæri til að nýta sér gamalgróinn frasa og ljá honum nýtt líf. Ef ég hefði fengið að ráða hefði ég nefnilega frekar notað slagorðið:

Árangur áfram – ekki stanna!

… þykja mér pirrandi. Alltaf fyrir hverjar kosningar eru gerðar skoðanakannanir mjög svo reglulega. Umræðan snýst að mjög miklu leyti um viðbrögð talsmanna flokkanna við nýjustu tölunum. Mikið er spáð og spekulerað í þessum tölum og jafnvel skotið á flokka fyrir lélegt gengi í skoðanakönnunum. Allt er þetta á kostnað alvöru málefnalegrar umræðu.

Mér finnst að banna ætti skoðanakannanir að minnsta kosti mánuði fyrir kosningar.

Út fór hann

Ég lét til leiðast og hleypti Algrími út í bakgarðinn í smá stund í gærkvöldi. Ég held að hann hafi verið ánægður með að komast út, en hann var að vonum einstaklega varkár svona í fyrsta skiptið, og fór alls ekki langt frá húsinu. Hann var úti í ekki meira en hálftíma áður en hann skaust inn aftur. Þetta hafði þó ekki jafn róandi áhrif á hann og ég vonaðist til – hann var æstari en venjulega eftirá, ef eitthvað var. Mjálmaði mjög hátt og ámátlega og vildi láta leika við sig. Hann er almennt séð mjög félagslyndur og vill sífellt vera ofan í fólki sem hann þekkir – ég held að það breytist varla þó hann fái að skreppa út við og við.

Í morgun þegar ég lá í bælinu milli svefns og vöku datt mér í hug besta nafn á hljómsveit í heimi:

Prosaic Mosaic

Munið að ég á einkarétt á þessu nafni … nei, reyndar ekki, en ef þið notið þetta þætti mér vænt um ef þið mynduð geta upprunans.

Keli vitnar í dag í þessa grein, og ég get ekki annað en hermt eftir honum – þessari miklu snilld verður að koma á framfæri. Rökin þarna eru óhrekjandi. Það hlýtur að vera einungis tímaspursmál hvenær þessu plani verður hrint í framkvæmd í alvöru. Þá vona ég að Halliburton og Bechtel byggi fleiri ljósleiðarastrengi yfir til Íslands þegar ‘uppbyggingin’ hefst – það væri æði.

Brot

Algrímur braut kaffipressuna.

Kannski þetta sé hans leið til að segja mér að ég eigi ekki að bjóða syndinni í kaffi.

… er sú að þættirnir Mín skoðun með Valtý Birni og Bödda Bergs á X-FM eru með öllu óþarfir. Væri ekki hægt að hafa þessi leiðindi á einhverri annarri stöð?

Annars kvarta ég aðallega vegna þess að X-FM er eiginlega eina stöðin sem næst almennilega í bílunum mínum, þannig að ef ég er úti að aka milli 12 – 2 síðdegis hef ég ekkert að hlusta á.